Ayt Iγil wis rfan γef yimḍebren n tγiwant n Tizi n Berbar
Tizi n berbar (Le journal de Kabylie )-
Iγil wis - Tizi n berbar, sγur Aqcic Amcum i Le Journal de Kabylie
Drus i mazal ad zemmen semmus n yiseggasen (05) seg mi zrint tefranin
id yesbedayen iselwayen n tγiwanin d wid n lwilayat, imezdaγ n tudrin neγ
agdud s umata fernen tbuṭin i wakken zun (zeɛma) ad yettwakes fella-sen
lḥif, ad twasegmen yiberdan, ad tili tafat deg izenqan, ad ilin tawilat n
usiweḍ i yixedamen d warrac yeqqaren, ad afen yilmeẓyen kra n yimukan
deg acu ara deksen lxiq ama d annar neγ d kra tzeqqa n waddal, d wayen
niḍen… d acu kan akken id yeqqar yiwen n yinzi n Teqbaylit ‘’tindemmit
tettegra’’ imi imeγban n tudrin msakit ttunt wid id sbeden akkenn-i iwakken
zeɛma ad ddun fellasen, ihi deg umagrad-a ad meslayeγ γef wuguren n
yimezadγ n taddart n iγil wis d reffu-nsen γef yimṭebren n uxxam n tγiwant
n Tizi n Berbar, hatna-ya yiγeblan d wuguren n yimezdaγ n ayt Iγil wis u
suturen :
1. Ad yili γer γur-sen wannar i yilemẓiyen i mazal zedγen deg taddart.
2. Ad ttwasegmen yiberdan yettawin γer taddart s ubiṭun.
3. Ad ferḍen saqiyat, wasent-yettwakes leḥcic i wakken ur ttilin ara
wuguren di tegrest (cetwa).
4. ad twaɛawden lampultat n yiputuyen n trisiti (éclairage).
Amek a lwexda deg semmus n yiseggasen kra ud yemmug i taddart-a id
yezgan d tilisa akked tγiwant n Ayt Tizi yeṭafaren tamnaḍt n Buɛendas –
lwilaya n Sṭif, amek almi tudrin niḍen n tγiwant sfaydint aṭas seg
yimmḍebren n RND i yeṭfen taγawnt,…
Ma d ilemẓiyen n taddart-a atnan rfan d ayen, γef akken iya-γid yenna
yiwen yezmer deg ussan idi teddun ad sekren tiwwura n tγiwant, wad
beynen lγiḍ-nsen mgal imḍebren n yimḍebren n i RND i yesdawen lezmam
ntγiwant azal n xemsa iseggasen.
Ass-a nezmer ad nini belli Iγil wis teḍra yides am tewrirt yettwattun deg
udlis n Dda Lmulud.
Aqcic Amcum i Le Journal de Kabylie 30/102016